Meneja wa Habari na Mawasiliano wa Yanga Ali Kamwe amesema kocha mpya wa timu hiyo tayari amewasili kinachosubiriwa ni utambulisho wake tu.
Akizungumza na wanahabari baada ya mchezo wa ligi kuu dhidi ya Kagera Sugar hapo jana ambao Yanga iliibuka na ushindi wa mabao n4-0, Kamwe alisema kuna taratibu za kiofisi zinaendelea kabla ya kumtambulisha kocha huyo.
"Kocha tayari yupo nchini kinasubiriwa ni kukamilika kwa taratibu za ndani kisha tutamtambulisha."
"Kama mambo yataenda kama yalivyotarajiwa kunaweza kumtambulisha wakati wowote kuanzia kesho (leo)," alisema Kamwe
Kuhusu maandalizi ya kikosi wakati huu ambao ligi itasimama kwa takribani wiki tatu kupisha kalenda ya FIFA, Kamwe amesema wamemuachia kocha mpya jukumu la kuandaa program hiyo wakifahamu baada ya mapumziko, kuna mechi za ligi zitaendelea na hatua ya makundi ya ligi ya mabingwa.
Jina la kocha wa zamani wa timu hiyo Sead Ramovic ndilo linalotajwa kutarajiwa kuchukua mikoba iliyoachwa na Manqoba Mngqithi
