Kocha Mkuu wa Yanga SC, Manqoba Mngqithi, ataendelea kusalia katika nafasi yake baada ya uongozi wa klabu hiyo kuridhia kutofanya mabadiliko ya benchi la ufundi kwa sasa.
Hatua hii imekuja kufuatia kuongezeka kwa shinikizo na joto la mashabiki kutaka mabadiliko ya benchi la ufundi baada ya Yanga kupoteza mchezo wa dabi ya Kariakoo kwa kufungwa mabao 2-1 dhidi ya Simba SC mnamo Oktoba 10, 2026.
Uamuzi wa uongozi wa Yanga unampa mwalimu huyo nafasi ya kujisahihisha kupitia michezo inayofuata, huku kukiwa na tathmini ya karibu juu ya mwenendo wa timu.
Michezo inayofuata ya kuwania kufuzu hatua ya makundi ligi ya mabingwa dhidi ya CFFA ya Madagascar inaweza kuamua hatma ya kocha huyo raia wa Afrika Kusini hasa mchezo wa mkondo wa kwanza utakaopigwa Jumamosi ya wiki hii kwenye uwanja wa Azam Complex.
Mabosi wa Yanga wamejiridhisha kupoteza mchezo dhidi ya Simba haitoshi kuwa sababu ya kumuondoa kocha huyo ambaye mechi yake ya kwanza dhidi ya Simba aliwaongoza Wananchi kuibuka na ushindi wa bao 1-0 na kutwaa Ngao ya Jamii.
Kwa sasa Yanga imeelekeza nguvu zake kwenye michuano ya ligi ya mabingwa lengo likiwa kufuzu hatua ya makundi.
