Mabingwa wa soka Tanzania Bara Yanga leo wanafungua pazia la michuano ya kombe la Muungano katika mchezo wa robo fainali dhidi ya Muembe Makumbi utakaopigwa saa 1:15 usiku uwanja wa New Amaan Complex, Zanzibar.
Yanga inashiriki michuano hiyo kama mabingwa watetezi wakitwaa taji hilo mwaka jana baada ya kuibuka na ushindi wa bao 1-0 dhidi ya JKU katika mchezo wa fainali.
Yanga imetua Zanzibar ikiwa na kikosi chake kamili benchi l ufundi likionyesha dhamira ya kutetea taji hilo kwa msimu mwingine.
Hata hivyo Yanga inatumia michuano hiyo kama sehemu ya maandalizi yake kuelekea mchezo wa ligi kuu dabi ya Kariakoo dhidi ya watani zao Simba ambao utapigwa May 03 katika uwanja wa Benjamin Mkapa.
Ni wazi Kocha Mkuu wa Yanga Pedro Goncalves atatumia michuano hiyo pia kuwapa nafasi wachezaji ambao hawajatumika sana msimu huu.
