Mchezo wa ufunguzi Mpumalanga International Cup kati ya Yanga dhidi ya Augsburg umemalizika kwa Wananchi kukubali kichapo cha mabao 2-1 katika mchezo mkali uliopigwa katika uwanja wa Mbombela
Ulikuwa mchezo wa vipindi viwili, Augsburg wakitawala kipindi cha kwanza huku Yanga wakiwa bora zaidi katika kipindi cha pili
Jean Baleke alifunga bao pekee la Yanga katika mchezo huo ambao pengine ingeweza kusawazisha na hata kushinda mchezo huo kutokana na nafasi nyingi walizotengeneza katika kipindi cha pili
Augsburg ni timu inayoshiriki ligi kuu ya Ujerumani ambapo msimu uliopita walimaliza katika nafasi ya 11
Kilikuwa kipimo kizuri kwa Yanga ambayo haikuwa na muda mrefu wa maandalizi kulinganisha na wapinzani wao ambao walianza pre-season wiki ya kwanza ya Julai
Mchezo utakaofuata kwa Yanga ni dhidi ya TS Galaxy utapigwa Julai 24, hata hivyo mchezo huu hautaonyeshwa mbashara wala mashabiki kuruhusiwa kuingia uwanjani
