Ndoto ya timu ya taifa ya vijana chini ya umri wa miaka 23 (Tanzania U-23) kufuzu michuano ya Kombe la Mataifa ya Afrika (AFCON) zimegonga mwamba leo, licha ya kuibuka na ushindi mnono wa mabao 3-1 dhidi ya wapinzani wao, Kenya (Emerging Stars), katika mchezo wa marudiano uliopigwa kwenye Uwanja wa Uhuru.
Mchezo huo uliokuwa na ushindani mkali ulitawaliwa na kiwango bora cha mshambuliaji Selemani Mwalimu, aliyefunga mabao mawili, huku bao lingine la Tanzania likiwekwa kimiani na Sheikhan Khamis.
Licha ya jitihada hizo zilizowapa matumaini makubwa mashabiki waliojitokeza uwanjani, ushindi huo haukutosha kuivusha timu hiyo kwenda hatua inayofuata.
Tanzania imeondolewa rasmi mashindanoni kwa jumla ya mabao 5-4 (Aggregate), kufuatia matokeo mabaya ya mchezo wa kwanza uliopigwa nchini Kenya, ambapo wenyeji walishinda kwa mabao 4-1.
Bao la ugenini walilolipata Kenya leo lilizima kabisa matumaini ya vijana wa Kitanzania kupindua meza.
