Tatizo liko wapi Yanga?

Inasikitisha sana kuona Yanga imepoteana kwenye duru ya pili licha ya jitihada kubwa zinazofanywa na wadhamini/wahisani GSM

Wachezaji na benchi la ufundi hawana cha kuwaambia mashabiki kwa nini mambo yamekuwa hivi

Kwani wanaishi katika kambi nzuri, wanalipwa mishahara mizuri na wamepatiwa kila walichohitaji

Ni aibu kwa Yanga kushinda mchezo mmoja katika mechi sita zilizopita kwenye ligi

Hiki ni kiwango cha chini sana kwa kikosi cha Yanga ambacho kimeundwa kwa gharama kubwa

Nadhani lipo jambo, wakati huu ligi inaposimama kupisha Afcon Qualification, inapaswa viongozi wakae chini kubaini ilipo shida na waipatie ufumbuzi

Kwa timu inayowania ubingwa, haya sio matokeo yanayoweza kukupa ubingwa