Katika mchezo wa kombe la Shirikisho la Azam (ASFC) kati ya Yanga dhidi ya Ken Gold ambao ulipigwa uwanja wa Uhuru jana, ukiangalia takwimu za mchezo huo, unaweza ushangazwe na lawama zinazotolewa na baadhi ya mashabiki wa Yanga kuwa timu yao ilicheza chini ya kiwango
Takwimu za Azam zinaonyesha Yanga ilimiliki mchezo kwa asilimia 68, jumla ya mashuti 17 yalipigwa langoni kwa Ken Gold, mashuti nane yakilenga goli ukilinganisha na mashuti manne yaliyopigwa na Ken Gold, mawili yakilenga goli
Yanga ilipiga kona 16 dhidi ya kona tano zilizopigwa na Ken Gold
Yanga ndio timu iliyokuwa akisaka ushindi kwenye mchezo huo wakati Ken Gold walipaki basi kwa muda mwingi na kutumia mashambulizi ya kushitukiza
Kidogo Carlinhos alipotolewa nje kwa kadi nyekundu ndio wakajaribu kufunguka
Pengine hii ndio mechi ya kwanza Yanga imetengeneza idadi kubwa ya nafasi lakini wakatumia moja kupitia mkwaju wa penati
Lakini pia kama waamuzi wangekuwa waungwana, Yanga ingeweza kupewa mikwaju mitatu ya penati kwani kabla ya Fiston kufunga kulikuwa na matukio mengine mawili ya wachezaji wa Ken Gold kuunawa mpira ndani ya eneo la hatari
Ukiwaangalia Yanga, utagundua ipo kazi imefanyika, changamoto ya kufunga mabao naamini itapatiwa majibu karibuni kwani timu imeanza kutengeneza nafasi nyingi
