Kwa wiki kadhaa, Yanga imekabiliwa na changamoto ya kuwakosa baadhi ya wachezaji wake kutokana na majeruhi
Mtaalamu wa tiba katika kikosi cha Yanga Dk Muganda amesema nyota wanaokosekana sasa wamebaki watatu baada ya wengine kupona
Dk Muganda amebainisha kuwa Mshambuliaji Yacouba Songne amepona na yuko tayari kushuka dimbani huku beki Abdallah Shaibu 'Ninja' na kipa Ramadhan Kabwili nao wakirejea kikosini.
Ninja alikuwa mgonjwa wakati Kabwili alikuwa akisumbuliwa na majeraha
Wachezaji ambao bado wanaendelea kuimarika ni Ntibazonkiza, Job na Balama
"Tulikuwa na majeruhi saba, ukijumusia Mukoko lakini Mukoko naye yuko sawa na amenieleza kwamba kesho atarudi kambini na wenzake, hivyo tutabaki na majeruhi watatu ambao ni Said Ntibazonkiza, Dickson Job na Balama Mapinduzi," alisema Dk Muganda
