Afisa Mhamasishaji wa Yanga Antonio Nugaz amewataka mashabiki wa timu hiyo kutokatishwa tamaa na matokeo yaliyopita, akiwataka waiunge mkono timu yao kuhakikisha inafanya vizuri katika mchezo dhidi ya Mtibwa Sugar
Nugaz amesema matokeo ya nyuma yameshapita muhimu ni kujipanga vizuri zaidi kwa wanaokuja mbeleni
Kesho Jumamosi, Yanga itashuka tena uwanja wa Benjamin Mkapa kuumana na Mtibwa Sugar katika mchezo wa ligi kuu ya Vodacom
Baada ya kulazimishwa sare ya mabao 3-3 dhidi ya Kagera Sugar, huu ni mchezo ambao Yanga inahitaji kushinda
"Jumamosi hii ya tarehe 20/02/2021 ndani ya Uwanja wa Mkapa saa 1 Kamili usiku tunacheza Mchezo mwengine wa ligi Kuu dhidi ya Mtibwa Sugar"
"Wanachama, wapenzi na Mashabiki tujitokeze kwa wingi Uwanjani kuipa hamasa timu yetu bila kuchoka ili kuzitafuta alama tatu muhimu," amesema
