Afisa Mhamasishaji wa Yanga Antonio Nugaz ameeleza kushangazwa na 'unyonge' unaoonyeshwa na mashabiki baada ya timu kulazimishwa sare ya bao 1-1 mkoani Mbeya dhidi ya Mbeya City juzi
Aidha, Nugaz amewataka mashabiki kutokubali kuaminishwa kuwa wana timu dhaifu kwani mpaka sasa Yanga ndio timu pekee ambayo haijapoteza mchezo msimu huu
"Mwanachama,mpenzi na shabiki wa Yanga kwanini ukajikosesha amani kwa timu kutoka sare na kuaminishwa kuwa timu haitopata matokeo na wewe unaamini hilo?," alihoji Nugaz
"Kumbuka mpaka sasa tuko kileleni (Namba moja) kwenye msimamo wa ligi na pia tukiwa na rekodi sahihi ya kutopoteza Mchezo hata mmoja"
"Lazima tukubaliane na matokeo ya Mpira na sio kulaumu sana kana kwamba tuko nafasi ya 8 au tunaburuza mkia"
"Tambeni Mtaani msitembee kinyonge,vimbeni mtaani na muendelee kuipa hamasa timu yetu Insha Allah kila kitu kitaenda Sawa"
"Kisha tukutane Uwanja wa Benjamin Mkapa siku ya Jumatano kwenye Mchezo wetu dhidi ya Kagera Sugar saa 1 Kamili usiku Tujitokeze kwa wingi bila kukosa"
