Singida United yaongezwa kombe la Mapinduzi

Kamati ya michuano ya kombe la Mapinduzi linalotarajiwa kuanza visiwani Zanzibar Disemba 30 imeiongeza klabu ya Singida United kwenye michuano hiyo.

Singida United imetupwa kundi B sambamba na Yanga, Zimamoto, Taifa ya Jan'gombe, JKU na Mlandege hivyo kufanya kundi hilo kuwa na timu sita.

Kundi A limeendelea kubaki na timu tano ambazo ni Azam FC, Jamhuri, Mwenge, Simba na URA.

Ratiba ya michuano hiyo itafanyiwa marekebisho baada ya kuongezwa kwa Singida United.