Injinia Hersi ataja vigezo vilivyotumika kumpata Kocha Msaidizi

Makamu Mwenyekiti wa Kamati ya Mashindano ya klabu ya Yanga Injinia Hersi Said amesema leo watamtambulisha Kocha Msaidizi anayechukua nafasi ya Juma Mwambusi

Hersi ambaye pia ni Mkurugenzi wa uwekezaji GSM, amesema mchakato wa kumpata kocha msaidizi ulifanyika kwa kufuata vigezo ambavyo walijiwekea

Katika mahojiano maalum aliyoyafanya 'mbashara' jana kwenye ukurasa wake wa mtandao wa Instagram, Hersi alisema walihitaji Kocha Msaidizi awe Mtanzania, awe na leseni B ya ukocha na muhimu zaidi awe kijana ambaye aliwahi kucheza klabu ya Yanga

Amesema Kocha huyo atatambulishwa rasmi hii leo

Kocha Mkuu wa African Lyon Nizar Khalfan ndiye anayetarajiwa kukabidhiwa mikoba ya kumsaidia Kocha Mkuu Cedric Kaze