Jana ilikuwa siku ya kwanza kwa kikosi cha Yanga kuanza mazoezi kujiandaa na mwendelezo wa mechi za mzunguuko wa pili ligi kuu ya Vodacom pamoja na kombe la FA
Kocha Mkuu wa Yanga Cedric Kaze aliwapa wachezaji wote mapumziko ya siku 10 na walipaswa kuingia kambini jana kabla ya saa 6:30 mchana
Sasa kilichotokea baadhi ya wachezaji wa kigeni walionja 'joto ya jiwe' baada ya kuzuiwa kuingia kambini pale waliporipoti nje ya muda waliopangiwa
Haruna Niyonzima, Carlos Carinhos, Mukoko Tomombe na kipa Farouk Shikhalo ni miongoni mwa wachezaji ambao walikwamia getini na kushindwa kuingia kambini baada ya Kaze kuwapiga 'pini'
Nyota hao wanaweza wakakabiliwa na adhabu za kinidhamu ikiwemo kukatwa mshahara kwa kukiuka masharti ya kambi
Juzi Meneja wa Yanga Hafidh Saleh alieleza ratiba ya kuanza kwao kambi hiyo, alisema kocha hataki kujua mchezaji alikwenda wapi katika mapumziko ya siku 10 walizopewa, alichotaka ni saa 6:30 mchana kila mchezaji ambaye alitakiwa kuwasili kambini kuwa humo
