Baada ya Yanga Elite kukamilisha zoezi la kupaka rangi jengo la klabu ya Yanga lililoko Mtaa wa Twiga na Jangwani jijini Dar es salaam, uongozi wa Yanga umeyataka Matawi mengine kujitokeza katika awamu ya pili ya ukarabati wa vyumba na miundombinu mingine ya jengo hilo
Afisa Habari wa Yanga amesema Yanga ni timu ya Wananchi hivyo kila Mwanayanga anapaswa kushiriki katika ujenzi wa timu hiyo kwani wao ndio wawekezaji wa klabu
Jengo hilo lina vyumba 30 ambapo Bumbuli amesema baada ya ukarabati kukamilika kikosi cha Yanga Princess kitaweza kuweka kambi hapo Jangwani
"Tumeanza kufanya tathmini ya gharama zinazohitajika kwa ajili ya ukarabati wa vyumba pamoja na ofisi, zoezi hilo litakapokamilika Wanayanga watajulishwa na kama walivyofanya Elite Group ambao wamegharamia zoezi lote la kulipaka rangi jengo, tunawaomba na Wanayanga wengine wajitokeze kugharamia ukarabati huo"
"Yanga ni timu ya Wananchi, Wawekezaji ni sisi wenyewe hivyo Matawi yote pamoja na makundi ya mitandao ya kijamii tuhamasishane kuhakikisha tunalikamilisha zoezi hili ili timu yetu ya Wanawake iwe na sehemu nzuri ya kuweka kambi," alisema Bumbuli
