Mwenyekiti wa klabu ya Yanga Dk Mshindo Msolla amesema Kocha Msaidizi wa timu hiyo Juma Mwambusi aliandika barua akiomba apumzike kutokana na matatizo ya kiafya wakati kikosi cha Yanga kiko visiwani Zanzibar kikishiriki michuano ya kombe la Mapinduzi
Dk Msolla amesema Mwambusi aliomba kupumzika hivyo anaweza kurejea pale afya yako itakapokuwa imetengemaa
"Mwalimu Mwambusi aliandika barua rasmi wakati tuko Zanzibar kuomba apumzike kufuatia changamoto za kiafya"
"Kutokana na ushauri aliopewa na daktari, ametakiwa asiwe kwenye msongo wowote na asipige kelele wala kutumia sauti kubwa hata kwenye michuano ya Mapinduzi hakuwa anazungumza kwa sauti kubwa"
"Hivyo tumemruhusu apumzike, hata Wachezaji wanaugua wakipona wanarejea kwahiyo hata yeye akipona atarejea," alisema Dk Msolla
Aidha Dk Msolla amefafanua tetesi zilizosambaa kwenye mitandao ya kijamii kuwa wanakusudia kumuajiri kocha wa African Lyon Nizar Khalfan kuchukua nafasi ya Mwambusi
"Hilo suala la Nizar Khaflan kuchukua nafasi ya Mwambusi itategemea na matakwa ya Mwalimu kwa sababu yeye ndiye alimpendekeza Mwambusi mwanzo"
