Yanga kurejea mazoezini Jumatatu

Mabingwa wa michuano ya kombe la Mapinduzi Yanga, watarejea mazoezini Jumatatu kuanza maandalizi ya kukamilisha maandalizi ya ngwe ya lala salama ligi kuu pamoja na kombe la FA

Kocha Mkuu wa Yanga Cedric Kaze aliwapa wachezaji wake mapumziko ya siku 10 na watarejea Kigamboni Januari 25

Kaimu Katibu Mkuu Haji Mfikirwa amesema nyota wote wakiwemo waliosajiliwa dirisha dogo Dickson Job na Fiston Abdul Razak, wataripoti kambini Jumatatu

Yanga ndio vinara wa ligi kuu wakiwa wamejikusanyia alama 44 baada ya kushuka dimbani mara 18

Mabingwa hao wa kihistoria, wamepania kubaki kileleni mpaka mwezi Mei pale ligi itakapofikia tamati