Mkurugenzi wa Uwekezaji GSM Mhandisi Hersi Said jana amefichua kuwa amepokea taarifa nzuri kuhusu mchezaji mmoja muhimu waliyekuwa wakimfuatilia kuweza kumsajili
Bila ya kumtaja mchezaji huyo, Hersi alisema yapo matumaini kuwa nyota huyo atajiunga na Yanga katika kipindi hiki cha usajili wa dirisha dogo
"Ni mchezaji mzuri ambaye tuliona angeweza kuongeza kitu katika kikosi chetu. Kama tulivyosema, kwa sasa hatusajili tu, mchezaji tunayemsajili lazima awe bora zaidi ya hawa tulionao, usajili wa Saido (Ntibazonkiza) ni mfano"
"Tumefanya jitihada, nikiri hakukuwa na uwezekano wa kumpata katika usajili huu wa dirisha dogo, lakini leo asubuhi (jana) nimepokea taarifa nzuri ambayo imenipa matumaini kuwa tunaweza kumpata wakati huu"
"Nisingependa kumtaja mchezaji huyo wakati huu kwani huko nyuma utaratibu (wa kutaja majina) ulituletea matatizo katika usajili wa baadhi ya wachezaji"
Je ni nani huyu???
