Kwa takribani wiki mbili winga Bernard Morrison hachezi kwenye kikosi cha Simba uongozi wa klabu hiyo ukidai kuwa Mghana huyo ni mgonjwa
Lakini imebainika kuwa rufaa ambayo Yanga walikata kule Mahakama ya Kimataifa ya usuluhishi wa michezo (CAS) imeanza kusikilizwa na mchezaji huyo amezuiwa kuitumikia Simba hadi pale shauri lake litakapokamilka
Kulingana na gazeti la Sport Xtra, ni zaidi ya wiki moja na nusu imepita tangu Simba wapokee barua hiyo kutoka CAS ikiwataka wasimtumie Morrison kutokana na shauri lililofunguliwa na Yanga
Morrison anaweza kuingiza Simba matatani na hata TFF kama CAS itapindua hukumu iliyotolewa na Kamati Sheria na Hadhi za Wachezaji ambayo ilibatilisha mkataba wake na klabu ya Yanga na kumruhusu ajiunge na Simba akiwa mchezaji huru
Simba pia inakabiliwa na kesi nyingine ya usajili wa Shiza Kichuya ambapo klabu ya Pharco Fc iliituhumu Simba kumsajili mchezaji huyo bila ya kufuata utaratibu
Awali FIFA ilitoa hukumu kwa kuitaka Simba ilipe faini inayofikia Tsh Milioni 300 au la itafungiwa kusajili kwa misimu mitatu
Simba iliomba mapitio ya hukumu hiyo ambayo ndiyo yamemfanya Kichuye aruhusiwe kuendelea kucheza kwani tayari alikuwa amefungiwa miezi sita
