Yanga kuifuata Mwadui Fc leo

Msafara wa wachezaji 24 na viongozi nane wa kikosi cha Yanga unaondoka leo kuelekea mkoani Shinyanga tayari kwa mchezo wa ligi kuu dhidi ya Mwadui Fc ambao utapigwa keshokutwa Jumamosi uwanja wa CCM Kambarage

Yanga itasafiri kwa ndege mpaka mkoani Mwanza ambako wataunganisha kwa basi hadi Shinyanga

Vinara hao wa ligi kuu wamebaki kuwa timu pekee ambayo haijafungwa msimu huu. Wanakwenda Shinyanga wakiwa na hesabu moja tu, kuhakikisha wanaondoka na alama zote tatu pale CCM Kambarage

Baada ya mchezo huo wataelekea mkoani Arusha kuwasubiri Dodoma Jiji tayari kwa mchezo unaofuata ambao utapigwa Disemba 19