Yanga yapania kurejea kibabe mechi ya Azam Fc

Baada ya kulazimishwa sare ya bao 1-1 dhidi ya Namungo Fc jana, kikosi cha Yanga leo kimerejea mazoezini kujiandaa na mchezo unaofuata dhidi ya Azam Fc ambao utapigwa Jumatano

Nahodha Msaidizi wa Yanga Bakari Nondo Mwamnyeto amesema hawakufurahishwa na matokeo ya mchezo wa jana hivyo wamejipanga kuhakikisha wanapata matokeo katika mchezo unaofuata dhidi ya Azam Fc

"Wachezaji wote hatukufurahishwa na matokeo tuliyopata jana, tunajiandaa vyema kuhakikisha tunafanya vizuri kwenye mchezo wa Jumatano dhidi ya Azam Fc," alisema Mwamnyeto