Kocha Mkuu wa Yanga Cedric Kaze amesema mechi saba zilizosalia kumaliza duru ya kwanza ligi kuu ya Vodacom ni muhimu kwa kikosi chake kupata matokeo mazuri yatakayowaweka katika nafasi nzuri katika mbio za kuwania ubingwa
Kaze aliyejiunga na Yanga mwezi uliopita, ameiongoza Yanga katika mechi tano za ligi akishinda mechi tatu na kutoka sare michezo miwili
Ameweka mkakati wa kumaliza duru ya kwanza akiendeleza matokeo bora waliyoanza nayo msimu huu
"Kuna kitu ambacho nafikiria kufanya katika timu,Ukiangalia tuna kama mechi saba hapa za kucheza kumaliza mzunguko wa kwanza ni mechi nyingi ambazo pia zinaweza kubadilisha vitu vingi kwasasa tunataka kuelekeza akili yetu katika mechi hizo," amesema Kaze
Yanga inaanza mchakamchaka wa kusaka alama 21 hapo kesho Jumapili watakaposhuka uwanja wa Benjamin Mkapa kuikabili Namungo Fc
Baadae wataelekea kule Chamazi kuikabili Azam Fc, ambao nao wana kikosi bora sana kilichokaa kileleni mwa msimamo wa ligi kwa muda mrefu
