Shoo ya Carlinhos inarejea Azam Complex leo

Kocha Mkuu wa Yanga Cedric Kaze amethibitisha kuwa kiungo mshambuliaji Carlinhos atakuwa dimbani leo wakati Yanga itakapokuwa ikipepetana na African Lyon katika mchezo wa kirafiki utakaopigwa uwanja wa Azam Complex, Chamazi saa moja usiku

Carlinhos amekuwa nje ya uwanja kwa takribani wiki tatu akisumbuliwa na majeraha ya goti aliyopata wakati Yanga ikijiandaa na mchezo dhidi ya Polisi Tanzania

Kaze amesema Carlinhos amepona majeraha na bila shaka atakuwa sehemu ya kikosi kitakachocheza dhidi ya African Lyon leo na pengine ataonekana tena katika mchezo wa ligi kuu dhidi ya Namungo FC November 22 kwenye dimba la Benjamin William Mkapa