Ratiba ya mechi za Yanga Novemba 2020

Mwezi huu Yanga itashuka dimbani mara tano, miongoni mwa mechi hizo ni dhidi ya wapinzani wake katika mbio za ubingwa, Azam Fc na Simba

Ratiba hiyo inaanza kesho Jumanne kwa mabingwa hao wa kihistoria kuikabili Gwambina Fc katika mchezo utakaopigwa Misungwi, Mwanza

Novemba 07 vijana wa Cedric Kaze watakuwa uwanja wa Benjamin Mkapa kupimana ubavu na watani zao Simba

Baada ya wiki mbili za mapumziko ya kalenda ya Kimataifa, Novemba 22 Yanga itarejea uwanja wa Mkapa kuikabili Namungo Fc ambapo siku tatu baadae wataelekea Chamazi kuikabili Azam Fc Novemba 25

Ratiba itakamilika Novemba 28 kwa mchezo dhidi ya JKT Tanzania ambao utapigwa uwanja wa Mkapa/Uhuru