Jana Yanga ilicheza mechi ya kirafiki dhidi ya KMKM na ikafanikiwa kuibuka na ushindi wa mabao 2-0 ambayo yote yaliwekwa kambani na kiungo Mukoko Tomombe
Kocha Zlatko Krmpotic aliwapa nafasi wachezaji wote lakini nyota watatu walikosekana Mapinduzi Balama, Paulo Godfrey 'Boxer' na Abdallah Shaibu 'Ninja'
Tatizo la Balama linafahamika, Ninja aliumia mazoezi wakati wa maandalizi kuelekea mchezo huo lakini Boxer yeye anasumbuliwa na majeraha ya enka kwa muda sasa
Majeraha yamekuwa yakimuandama beki huyo chipukizi ambaye msimu huu wengi wanatamani kumuona anarejesha makali aliyokuwa nayo msimu mmoja nyuma wakati Yanga ilipokuwa ikinolewa na Mwinyi Zahera
Uongozi wa Yanga umesema nyota huyo anaendelea vizuri na pengine ataanza kuonekana uwanjani siku chache zijazo
