Lamine ashinda tuzo mechi dhidi ya Mtibwa Sugar

Beki kisiki Lamine Moro ameshinda tuzo ya nyota wa mchezo wa kikosi cha Yanga katika mchezo wa ligi kuu dhidi ya Mtibwa Sugar ambao ulipigwa jana Jumapili katika uwanja wa Jamhuri

Lamine alifunga bao pekee lililoihakikishia Yanga ushindi muhimu wa ugenini akiunganisha kona maridhawa iliyochongwa na fundi Carlinhos

Mghana huyo amepata asilimia 66% ya kura zote zilizopigwa akiwashinda Bakari Nondo Mwamnyeto na Zawadi Mauya

Akiwa nahodha wa kikosi cha Yanga katika mchezo huo, Lamine alikuwa kikwazo kwa washambuliaji wa Mtibwa Sugar kulifikia lango la Yanga

Yeye pamoja na Mwamnyeto wameendelea kuifanya safu ya ulinzi ya Yanga kuwa na utulivu wa hali ya juu ikiwa haijaruhusu bao lolote katika michezo mitatu iliyopita