Kocha wa zamani wa Yanga Mwinyi Zahera ameeleza kukikubali kikosi cha timu hiyo cha msimu huu
Mkurugenzi huyo wa ufundi klabu ya Gwambina Fc, amesema Yanga ya msimu huu imekamilika kila idara kuanza safu yake ya ulinzi, kiungo na ushambuliaji
Mcongomani huyo amesema wachezaji wa Yanga ni wapambanaji muda wote wanacheza wakiwa na malengo ya kupata ushindi
Aidha Zahera amewapa Yanga nafasi ya kufanya vizuri zaidi msimu huu kuliko watani zao Simba kutokana na aina ya vikosi walivyonavyo
"Yanga wana timu nzuri sana. Msimu huu wana kitu zaidi ya wapinzani wao Simba. Wamekamilika kuanzia kwenye ulinzi, kiungo na safu ya ushambuliaji. Ni timu inayoonekana kutafuta kitu kila inapokuwa uwanjani"
"Simba wanacheza mpira wa pasi lakini hawaonekani kuwa na kitu cha ziada. Aina ya mpira ambao wanacheza Simba hawawezi kucheza wakikutana na timu kama TP Mazembe. Yanga wanaonekana kuimarika kimbinu zaidi," alisema Zahera
