Kamati ya Ujenzi na Miundombinu klabu ya Yanga inayoongozwa na Mwenyekiti Mhandisi Bahati Mwaseba imekamilisha Awamu ya Kwanza ya ubunifu wa 'Complex' ya klabu ya Yanga kule Kigamboni
Kamati hiyo sasa inasubiri kutangaza zabuni kumpata Mnjezi atakayekamilisha Mradi huo utakaojumuisha ujenzi wa Uwanja na Akademi ya kisasa ya klabu huko Kigamboni
Injinia Mwaseba amesema ujenzi wa Mradi huo utawashirikisha Wadhamini pamoja na Wanayanga wote
"Tumekamilisha kazi ya michoro, hatua inayofuata ni kutangaza zabuni ili kazi ya ujenzi ianze rasmi kwa ushirikiano na wadhamini wetu na wanaYanga wote kwa ujumla wao", Injinia Mwaseba aliiambia tovuti ya Yanga
Yanga imejiwekea malengo kuanza mapema mradi huo hesabu zikiwa angalau kukamilisha kiwanja cha kufanyia mazoezi kabla ya msimu huu kumalizika
Mradi huo utakapokamilika, Yanga itamiliki viwanja vya kisasa kwa ajili ya mazoezi na mechi zote za ndani na hata za Kimataifa
