Kocha Mkuu wa Yanga Zlatko Krmpotic tayari ameanza majukumu yake kuelekea mikiki mikiki ya msimu mpya wa ligi kuu ya Vodacom pamoja na michuano mingine
Krmpotic aliwashuhudia wachezaji wa Yanga kwa mara ya kwanza juzi kwenye mchezo wa kilele cha wiki ya Mwananchi dhidi ya Aigle Noir, mchezo ambao Yanga ilishinda mabao 2-0
Mserbia huyo amekiri kuvutia na uwezo walioonyesha wachezaji wake, hata hivyo amesema anahitaji muda wa kutengeneza kikosi imara zaidi
"Nimeridhishwa na uwezo wa mchezaji mmoja mmoja. Hii ni mara ya kwanza kuwaona, tutahitaji muda wa kufanya kazi pamoja ili tuwe bora zaidi," alisema Zlatko
Juzi Yanga ilicheza na Aigle Noir huku baadhi ya wachezaji hasa wa kigeni wakiwa wamefanya mazoezi ya pamoja siku tatu tu
Lakini nyota hao walionesha maelewano na kuwapa matumaini mashabiki pengine huenda wasihitaji muda mrefu sana kuweza kupata muunganiko
Yanga inaanza mechi zake za ligi jijini Dar es salaam, mchezo wa kwanza wakicheza na Tanzania Prisons, Septemba 06
