Nahodha wa zamani wa Yanga Papy Tshishimbi yuko kwenye hatua za mwisho kujiunga na AS Vita, miamba wa soka DR Congo
Tshishimbi aliondoka nchini kurejea kwao DR Congo baada ya kuenguliwa katika usajili wa Yanga
Ni baada ya kugomea dau la usajili alilokuwa amelikubali mwenyewe awali akitaka aongezewe fedha zaidi
AS Vita inahaha kuziba nafasi za nyota walioondoka, wawili wakisajiliwa na Yanga , Tuisila Kisinda na Mukoko Tonombe
Yanga kupitia Mkurugenzi wa uwekezaji GSM Mhandisi Hersi Said ilitua Makao Makuu ya AS Vita na kuwanunua wachezaji hao kwa kuvunja mikataba yao
Mukoko alikuwa akimilikiwa na AS Vita kwa asilimia 100 wakati Kisinda alikuwa akimilikiwa na klabu ya Manyema Fc iliyokuwa imemtoa kwa mkopo AS Vita
Tshishimbi anakwenda kuanza maisha mapya AS Vita baada ya kuitumikia Yanga kwa misimu mitatu
