Mwenyekiti wa klabu ya Yanga Dk Mshindo Msolla amempokea Makao Makuu ya klabu kiungo fundi Carlos Fernandos maarufu Carlinhos
Mwamba huyo kutoka nchini Angola amepokelewa uwanja wa Ndege wa Kimataifa wa Mwalimu Julius Nyerere na Maelefu ya Mashabiki wa klabu ya Yanga
Akiongozana na Injinia Hersi said na waandamizi wengine, Carlinhos alisindikizwa na nyomi la mashabiki mpaka Jangwani yalipo Makao Makuu ya Yanga ambako alipokelewa na Dk Msolla na kisha kukabidhiwa jezi ya Yanga ikiwa ishara kuwa amefika katika mikono salama ya mabingwa hao wa kihistoria
Gumzo kubwa ni idadi ya mashabiki waliojitokeza kumpokea fundi huyo, hakika Yanga inadhihirisha kuwa klabu pendwa zaidi hapa nchini
Matukio haya ya kipekee ya mapokezi ya nyota wapya, ni ujumbe muhimu kwa wachezaji hao kuwa matumaini ya Wanayanga wengi yako mikononi
Naamini nyota hawa hawakuwahi kukutana na mapokezi ya kishindo ya namna hii katika nchi walizokuwa wakicheza awali
