Kinachosubiriwa sasa ni taarifa rasmi kutoka kwa Shirikisho la Soka Barani Afrika (CAF) juu ya hatma ya Yanga kushiriki michuano ya ligi ya mabingwa barani Afrika msimu unaoanza mwezi ujao
Lakini dalili njema zimeonekana baada ya CAF kuthibitisha kuiondoa Libya katika michuano hiyo baada ya kukosa sifa
Serikali ya Libya ilisitisha shughuli zote za michezo kuanzia msimu uliopita kutokana na vita inayoendelea nchini humo
Libya ilipaswa kutoa nafasi nne kwenye michuano ya CAF baada ya kushika nafasi ya 12 ambayo ni ya mwisho katika zile nchi zinazopaswa kutoa timu nne
Tanzania inashika nafasi ya 13 hivyo ni wazi itachukua nafasi ya Libya ambayo imeondolewa baada ya kutoendesha ligi huu ukiwa msimu wa pili
Lakini pia nchi za Ethiopia, Afrika ya Kati na Sudan Kusini nazo hazijatoa Wawakilishi baada ya kufuta ligi zao mapema kutokana na janga la corona
Yanga imeaswa kufanya maandalizi ya michuano hiyo kwani ikitokeaTanzania imeongezewa nafasi, muda wa maandalizi unaweza kuwa mdogo kama ilivyokuwa msimu uliopita
