Aliyekuwa Mtendaji Mkuu wa klabu ya Simba Senzo Mazingisa ambaye mapema wiki hii GSM waliifanyia Simba 'umafya' kwa kumchukua mchana kweupee, anatarajiwa kuwa mshauri mkuu wa uongozi wa Yanga katika masuala mbalimbali
Kwa sasa Katiba ya Yanga hairuhusu raia wa kigeni kuwa Mtendaji Mkuu (Katibu) , Mkurugenzi wa Uwekezaji GSM Mhandisi Hersi Said amesema kwa wakati huu Senzo atakuwa mshauri wa uongozi katika masuala mbalimbali
Miongoni mwa majukumu mengine ambayo Senzo atafanya ndani ya uongozi wa Yanga ni pamoja na kutoa mwongozo wa uwajibikaji wa idara zote, kupanga bajeti za klabu pamoja na kubuni vyanzo vipya vya mapato
Senzo atasimamia weledi katika masuala yote yatakayokuwa yakifanyika ndani ya klabu ya Yanga
Pia atakuwa na mchango katika mchakato wa mabadiliko ya mfumo wa uendeshaji ambao awamu ya kwanza inatarajiwa kukamilika August 30
Senzo raia wa Afrika Kusini ana uzoefu mkubwa katika masuala ya uongozi wa soka, akiwa amewahi kuwa Mtendaji wa vilabu vya Orlando Pirates na Platinum Stars huko Afrika Kusini kabla ya kuja nchini kujiunga na Simba
Lakini pia alikuwa sehemu ya jopo la wataalamu wa Kamati iliyosimamia maandalizi ya michuano ya kombe la dunia iliyofanyika Afrika Kusini mwaka 2010
Hivyo ujio wake Yanga mwafaka wakati huu mabingwa hao wa kihistoria wakijipanga kupiga hatua nyingine ambayo itaingia kwenye vitabu vya kumbukumbu
