Afisa Habari wa klabu ya Yanga Hassan Bumbuli amesema hakuna haja kwa viongozi wa klabu ya Simba kuingilia majukumu ya Kamati ya Sheria na Hadhi za Wachezaji katika kesi ya mkataba kati ya Yanga na Bernard Morrison kwani haiwahusu
Bumbuli amesema Yanga haina haraka na maamuzi ya kesi hiyo na ndio maana wamekaa kimya wakisubiri siku ya kesho hukumu itakaposomwa
"Sisi hatuna haraka na maamuzi, tunasubiri hiyo kamati kesho, hii kesi ni ya Yanga na Morison tukimaliza hii kuna nyingine inakuja dhidi ya Simba, kwa hiyo watulie hii haiwahusu ya kwao inakuja"
"Hatuna sababu ya kumtisha Mwenyekiti wa kamati kama wanavyofanya wao maana tunajua ukweli wote juu ya mchezaji wetu," alisema Bumbuli
Mapema leo Msemaji wa klabu ya Simba Haji Manara akisikika 'akimtisha' Mwanyekiti wa Kamati hiyo Elias Mwanjala kuwa ataingia matatani kama hatatenda haki
Kauli kama hiyo ilitolewa na Mjumbe wa Kamati ya usajili ya Simba Zacharia Hans Poppe ambaye anatajwa kuhusika katika mpango wa kumsajili Morrison katika klabu ya Simba
Hans Poppe pia ni Mjumbe wa Kamati hiyo inayoshughulikia sakata la Morrison
