Winga Mnyarwanda Patrick Sibomana 'PS' ni miongoni mwa wachezaji 14 waliotemwa kuelekea msimu ujao wa ligi kuu ya Vodacom
Kupitia ukurasa wake wa mtandao wa kijamii, Sibomana amewashukuru mashabiki wa Yanga kwa sapoti waliyompa katika kipindi cha msimu mmoja alichokuwa na mabingwa hao wa kihistoria
"Napenda nitoe shukrani zangu za dhati kwa viongozi, wachezaji, wapenzi na wanachama wa Yanga kwa ushirikiano wote mlionipa kwa kipindi chote nilichoitumikia klabu yangu ya Yanga, nasikitika kuwajulisha kuwa sitokuwa sehemu ya kikosi cha Yanga msimu ujao
"Kilikuwa kipindi kizuri kwangu kuwa hapa na daima ntabaki na kumbukumbu nzuri, nawatakia mafanikio mema," alisema Sibomana
Sibomana ametajwa miongoni mwa orodha ya nyota wa kigeni ambao wameachwa na Yanga
Wengine ni Erick Kabamba, David Molinga, Yikpe Gnamine na Papy Tshishimbi
