Uongozi wa klabu ya Yanga umeweka mkakati wa kuhakikisha wanakamilisha michakato yote ya usajili kabla ya timu kuingia kambini
Mabingwa hao wa kihistoria wanatarajiwa kuingia kambini kati August 14/15 kuanza maandalizi ya kuelekea msimu ujao
Lakini kikubwa ni kuwa mabosi wa Yanga wameamua kuwa masuala yote ya usajili yakamilike mapema ili timu ikiingia kambini zoezi hilo liwe limefungwa
Ikumbukwe msimu uliopita mlinzi Gadiel Michael aliikacha Yanga siku mbili kabla ya dirisha la usajili kufungwa na kupelekea timu hiyo kushindwa kupata mchezaji sahihi wa kuziba nafasi yake
Gadiel alipewa mkataba mapema tu, lakini mwisho wa siku hakuusaini na akaibukia upande wa pili
Pengine ndio maana akina Tshishimbi wamepewa siku 14 waamue kusaini mkataba au la kwani baada ya ya hapo hesabu ya usajili itakuwa imefungwa
