FT : Mtibwa Sugar 1-1 Yanga

Yanga imepata sare ya 15 msimu huu baada ya kulazimishwa sare ya bao 1-1 dhidi ya Mtibwa Sugar katika mchezo uliopigwa uwanja wa Jamhuri mkoani Morogoro

Ulikuwa mchezo mgumu kwa kila upande, Mtibwa Sugar walikuwa wakisaka ushindi ili kujiondoa kwenye hatari ya kuteremka daraja huku Yanga ikihitaji ushindi ili kujikita kwenye nafasi ya pili

Haruna Chanongo ndiye aliyetangulia kuifungia Mtibwa Sugar bao la kuongoza kabla ya Adeyum Saleh hajaisawazishia Yanga dakika saba kabla ya mchezo kumalizika

Kwa hakika, Yanga inahitaji kusukwa upya, hii ni kauli ambayo shabiki yeyote wa Yanga ataitoa kutokana na mwenendo mabingwa hao wa kihistoria msimu huu

Mchezo mmoja umebaki dhidi ya Lipuli, utapigwa Jumapili