Kikosi cha Yanga, Mabingwa wa kihistoria Tanzania, jioni ya leo Jumatano kitashuka katika uwanja wa Jamhuri kuikabili Mtibwa Sugar katika mchezo wa ligi kuu ya Vodacom
Huu ni mchezo muhimu kwa Yanga kuondoka na alama zote tatu ili kujiweka salama katika nafasi ya pili wanayoishikilia
Hautakuwa mchezo mwepesi kwani Mtibwa Sugar nao wanapigania maisha yao kubaki Ligi Kuu, wakifungwa leo watahitaji muujiza kuendelea kubaki ligi kuu
Luc Eymael, mkufunzi wa Yanga amesema wamejipanga kuhakikisha wanashinda leo ni kumaliza nafasi ya pili baada ya kuchemsha katika mbio za ubingwa ambao umechukuliwa na watani zao Simba kwa misimu mitatu mfululizo
Kwenye mchezo huo Yanga itawakosa baadhi ya nyota wake muhimu, Haruna Niyonzima, Mapinduzi Balama na nahodha Papy Tshishimbi ambao ni majeruhi
Lakini pia mkongwe Kelvin Yondani naye alibaki jijini Dar es salaam akiwa na matatizo ya kifamilia
