Bodi ya Ligi imeweka hadharani viingilio vya mchezo wa nusu fainali kombe la FA kati ya Simba dhidi ya Yanga ambao utapigwa keshokutwa Jumapili kwenye uwanja wa Taifa
Viingilio hivyo vimefikiwa baada ya kikao cha pamoja cha shirikisho la mpira wa miguu Tanzania (TFF), Serikali na vilabu vya Simba na Yanga
Majukwaa ya VIP A kiingilio itakuwa Shilingi 30,000/-, VIP B ni Shilingi 25,000/- wakati VIP C ni Shilingi 20,000/-.
Kwa majukwaa ya mzunguuko kiingilio kitakuwa Shilingi 10,000/-
Katika hatua nyingine Serikali imetangaza kuwa idadi ya mashabiki 30,000 pekee ndio watakaoruhusiwa kuingia uwanja wa Taifa kushuhudia mchezo huo
Mkurugenzi wa Michezo, Yusuph Singo amesema uamuzi huo umefikiwa kutokana na changamoto ya ugonjwa wa corona
Singo amesema tiketi zitakazouzwa kwa mashabiki ni 30,000 tu huku akiwataka mashabiki ambao watakosa tiketi wabaki nyumbani kushuhudia mchezo huo kupitia runinga
Amesema hawataruhusu watu ambao hawana tiketi kuzagaa eneo la uwanja wa Taifa
