Mechi ya watani ASFC kupigwa 11 jioni

Watani wa jadi Simba na Yanga watakutana kwenye mchezo wa nusu fainali michuano ya kombe la Shirikisho la Azam (ASFC) ambao utapigwa Jumapili ya Julai 12 kwenye uwanja wa Taifa

Mchezo huo umepangwa kupigwa saa 11 jioni

Sahare All Stars, timu ya daraja la kwanza ambayo imefanya maajabu kwa kufanikiwa kutinga nusu fainali, itachuana na Namungo Fc katika mchezo wa mapema ambao utapigwa Julai 11 uwanja wa Mkwakwani mkoani Tanga

Timu zitakazoshinda mechi za nusu fainali, zitasafiri kwenda mkoani Rukwa kuumana kwenye mchezo wa fainali ambao utapigwa Julai 30 katika uwanja wa Nelson Mandela