Wadhamini wa Yanga, GSM wametoa kitita cha Tsh Milioni 30 kwa wachezaji wa Yanga baada ya ushindi wa mabao 2-1 dhidi ya Kagera Sugar na kufanikiwa kutinga nusu fainali ya michuano ya kombe la Shirikisho la Azam (ASFC)
Aidha, Kamati ya Mashindano ya Yanga nayo ikaongeza Tsh Milioni sita ikiwa ni ahadi waliyotoa kwa wachezaji kabla ya mchezo huo uliopigwa uwanja wa Taifa juzi
Nyota hao wangeweza kuvuna fedha zaidi kama wangeibuka na ushindi wa kuanzia mabao matatu au zaidi
Habari njema kwa wachezaji wa Yanga ni kuwa watavuna fedha nyingi kama wataibuka na ushindi kwenye mchezo ujao dhidi ya Simba ambao umepangwa kupigwa Julai 12
Yanga na Simba zinakutana hatua ya nusu fainali ya michuano ya kombe la Shirikisho, ukiwa mchezo wa tatu baina ya timu hizo msimu huu
Katika mchezo wa ligi ambao ulipigwa March 08, Yanga ilibuka na ushindi wa bao 1-0 na kuvuna kitita cha Tsh Milioni 200
Inaelezwa dau kubwa zaidi limeandaliwa katika mchezo huo ambao Yanga inahitaji ushindi kwa gharama yoyote ili iweze kutinga fanali
