Baada ya kufanikiwa kutinga nusu fainali ya michuano ya kombe la Shirikisho la Azam (ASFC) kwa kuifunga Kagera Sugar mabao 2-1 hapo jana, kikosi cha Yanga kinatarajiwa kuelekea Musoma mkoani Mara kuifuata Biashara United kwa ajili ya mchezo wa ligi kuu
Mchezo dhidi ya Biashara United utapigwa siku ya Jumapili, kwenye uwanja wa Karume, Musoma
Kocha Mkuu wa Yanga Luc Eymael amesema wanakwenda Mara huku wakifahamu watakabiliwa na mchezo wenye ushindani
Baada ya kukosa ubingwa ambao umechukuliwa na watani zao Simba kwa msimu wa tatu mfululizo, Yanga imejiwekea malengo ya kumaliza katika nafasi ya pili
Lakini inakabiliwa na ushindani kutoka kwa vilabu vya Azam Fc na Namungo Fc
Yanga iko nafasi ya pili ikiwa na alama 60, nafasi ya tatu ikiwa mikononi mwa Azam Fc yenye alama 59
Namungo inashika nafasi ya nne ikiwa na alama 56
