Kocha Mkuu wa Yanga Luc Eymael hajamjumuisha winga Bernard Morrison kwenye kikosi chake ambacho kitaikabili Kagera Sugar leo katika mchezo wa robo fainali kombe la Shirikisho (ASFC) ambapo utapigwa saa moja usiku kwenye uwanja wa Taifa
Hivi karibuni Morrison aliingia kwenye mgogoro na uongozi wa Yanga baada ya kudai hajasaini mkataba mpya licha ya Yanga kusisitiza kuwa mchezaji huyo ana mkataba wa miaka miwili juu ya mkataba wake wa miezi sita ambayo alisaini mwezi Januari
Kauli zake katika mahojiano na gazeti moja la kila siku, 'ziliwachefua' viongozi wa Yanga ambapo nyota uyo alilimwa faini ya Tsh Milioni 1.5 kwa kitendo chake cha kufanya mahojiano na chombo cha habari bila ya uongozi kuwa na taarifa
Eymael leo amemwanzisha Ditram Nchimbi nafasi ya winga wa kushoto akicheza sambamba na David Molinga na Deus Kaseke kwenye safu ya ushambuliaji
