Tangu arejee kwenye kikosi cha Yanga mwezi Januari, kiungo Mnyarwanda Haruna Niyonzima, ameiongoza Yanga kwa vitendo
Niyonzima amedhihirisha kuwa kwa hakika ilikuwa bahati mbaya kwake kwenda kucheza kule upande wa pili
Ni mchezaji anayeonyesha mapenzi dhahiri kwa Yanga, anajituma na kutaka kuona Yanga inafanya vizuri
Amekuwa kiongozi ndani na nje ya uwanja. Ni mhamasishaji wa wenzake na huonekana kuumia pale mambo yanapokuwa hayaendi sawa uwanjani
Juhudi zake zilionekana jana kwenye mchezo dhidi ya Namungo Fc. Wakati mwingine alionekana kuwa mkali kwa wenzake lakini kwa hakika ni kutokana na kuumizwa na kile kilichokuwa kikiendelea uwanjani
Katika moja ya mahojiano yake, Niyonzima alinukuliwa akisema, asingekuwa na furaha maishani mwake kama asingerudi kuitumikia Yanga
"Wakati nakubali kurudi Yanga nilifahamu kabisa changamoto zilizoko, lakini nafsi yangu ilikuwa ikiniambia kama sitarudi kucheza Yanga sitakuwa na furaha. Lengo langu ni kutaka kuona mchango wangu unaisaidia Yanga kupiga hatua kutoka hapa ilipo," alisema
