Winga wa Yanga Bernard Morrison amewaraka mashabiki kujitokeza uwanja wa Uhuru kuwashuhudia nyota wao kwa mara ya kwanza baada ya miezi miwili ya kukosa kuwaona dimbani kutokana na changamoto ya ugonjwa wa corona
Jumapili, Juni 07 Yanga itachuana na KMC katika mchezo wa kirafiki ambao utatumika kuzipima timu hizo kabla ya kuanza mikiki mikiki ya ligi
Morrison amesema amewakumbuka mashabiki wake hivyo siku hiyo angependa kuwaona majukwaani hasa ikizingatiwa Serikali imeruhusu mashabiki kuingia uwanjani ingawa ni kwa utaratibu maalum ili kujikinga na maambukizi ya corona
"Tumewakumbuka mashabiki wetu, tumejipanga kuwapa burudani nzuri kwenye mchezo wetu wa kwanza baada ya mapumziko ya corona. Tunawaita waje watuunge mkono kwenye mchezo huo wa kirafiki dhidi ya KMC, " alisema
Morrison amerejea kikosini baada ya kupona majeraha madogo aliyokuwa amepata
Yeye pamoja na beki kisiki Lamine Moro walishiriki kikamilifu mazoezi ya jana, nahodha Papy Tshishimbi akibaki kuwa mchezaji pekee ambaye ni majeruhi
