Yule mbabe kutoka GSM ambaye anasimamia michakato ya usajili iliyo chini ya kampuni hiyo, Mhandisi hersi Said, amedokeza kuwa Yanga itashusha washambuliaji kutoka nchi ambazo ubora wa ligi zao uko kwenye tano bora barani Afrika
Hersi ameiambia Sport Arena ya Wasafi FM kuwa nyota hao wote ni wafungaji bora katika ligi zao
Lakini pia, Hersi amedokeza kuhusu mwamba Heritier Makambo, akibainisha ni kweli ni miongoni mwa wachezaji ambao wako kwenye rada za mabingwa hao wa kihistoria ingawa kwa sasa wanafahamu ana mkataba na klabu ya Horoya AC
"Kuna washambuliaji wawili tunawafuatilia, wote hao ni wafungaji bora wa nchi wanazotoka na wanatoka katika ligi tano bora Afrika. Makambo ni mchezaji ambae yupo pia kwenye rada zetu lakini kwa sasa ana mkataba wa miaka mitatu na timu yake Horoya AC, ametumikia mwaka mmoja"
"Kuhusu mshambuliaji wa pembeni (winga), tutasajili winga mwenye uwezo mkubwa sana barani Afrika," alitamba Hersi
Hersi amesisitiza kuwa mkakati walioweka ni kuona Yanga inatwaa ubingwa wa ligi kuu msimu ujao na kuwa kama jambo hilo halitatokea basi ni wao GSM ambao watapaswa kulaumiwa
"Hatukupata ubingwa mwaka jana, hakuna wa kumlaumu lakini kama hatutachukua ubingwa mwakani basi mtulaumu sisi," aliongeza Hersi
