Waziri wa Habari, Utamaduni, Sanaa na Michezo Dk Harrison Mwakyembe amesema kulingana na tathmini iliyofanywa na wataalam wa Wizara, kiasi cha Tsh Mil 417 zitahitajika kuweza kukamilisha mechi zilizobaki Ligi Kuu, Ligi Daraja la kwanza na Ligi daraja la pili
Akitangaza Mkakati wa kurejesha ligi hizo ambapo imeamuliwa mechi zote kupigwa mikoa ya Dar es salaam (Ligi Kuu, FA) na Mwanza (Ligi daraja la kwanza na la pili), Dk Mwakyembe alisema Shirikisho la soka Tanzania (TFF) na Bodi ya Ligi wanapaswa kujiandaa kukabiliana na gharama hizo
Fedha hizo ni kwa ajili ya gharama ya uendeshaji wa timu, posho kwa waamuzi na maafisa wengine watakaosimamia michuano hiyo
Kwa kuwa timu zote zitalazimika kukaa katika kituo kimoja, kutakuwa na gharama za kambi, chakula pamoja na posho za wachezaji katika muda wote ambao mechi zitapigwa
