Mshambuliaji wa Yanga David Molinga amesema pamoja na kuwa na ofa kutoka timu nyingine, bado anawasikilizia mabosi wake wa klabu ya Yanga
Molinga aliyetua Yanga akitokea klabu ya Rennaisance kwa mkataba wa mwaka mmoja, amesema ataendelea kubaki Yanga labda itokee mabosi wake wamuache
"Mimi nina mkataba na Yanga mpaka mwezi wa nane, hivyo kwa sasa siwezi kufikiria timu nyingine zaidi ya Yanga. Nnazo ofa kutoka timu nyingine lakini Yanga ndio kipaumbele cha kwanza," amesema
Molinga anajifua katika fukwe za Coco Beach akijiweka sawa tayari kwa mikiki mikiki ya ligi ambayo Rais Dk John Magufuli ameruhusu shughuli za michezo kuanza Juni 01
Mpaka wakati ligi inasimama, Molinga alikuwa amefunga mabao nane kwenye ligi, moja kombe la FA
Ndye kinara wa mabao kwenye kikosi cha Yanga msimu huu
