Beki wa Yanga Andrew Vicent 'Dante' amesema atatumia mechi zilizobaki kumshawishi kocha Luc Eymael kumjumuisha kwenye kikosi chake cha kwanza
Tangu arejeshwe kikosini baadhi ya changamoto yake ya madai kumalizwa na GSM, Dante amekuwa na wakati mgumu kupata nafasi mbelel ya Lamine Moro, Kelvin Yondani, Ally Mtoni na Said Juma Makapu
Hata hivyo beki huyo aliyetua Yanga akitokea klabu ya Mtibwa Sugar mwaka 2015, amesema anaamini ligi itakaporuhusiwa kurejea, atakuwa na nafasi ya kurejea kikosini
"Unajua muda kama huu kila mtu hafanyi mazoezi ya timu, tukienda tunaenda kuanza wote kwa pamoja ndio maana nakuambia tunaenda kuanza upya"
"Nitatumia nafasi hii vizuri kurejea katika kikosi cha kwanza, naamini kiwango changu kwamba suala la kucheza ni la muda na ndio maana siku zote siachi kufanya mazoezi, nitafanya mazoezi mchangani na nitacheza mpira," alisema
Pamoja na kutoonekana uwanjani kwa muda mrefu, mashabiki wengi wa Yanga bado wameonyesha kuwa na imani na beki huyo kisiki ambaye ni miongoni mwa wachezaji wanaosubiri mikatana mipya Yanga
Mkataba wake unamalizika mwishoni mwa msimu
