Shirikisho la soka Tanzania (TFF) limeta ufafanuzi juu ya pesa zinazotolewa na Shirikisho la mpira duniani (FIFA) katika kipindi hiki cha janga la Corona kutokana na upotoshaji unaendelea katika baadhi ya vyombo vya Habari hapa nchini.
Akizungumza na vyombo vya Habari kwa njia ya mtandao, Katibu Mkuu wa TFF, Wilfred Kidao amesema pesa hizo Dola 500,000 sawa na shilingi bilioni 2.3 zinatolewa kwa ajili ya masuala ya kiundeshaji na haziwezi kuzitumia nje ya maelekezo ya FIFA.
Kidao amesema pesa hizo watazitumia katika kuwalipa waamuzi stahiki zao, kulipigia gharama za timu za Taifa ambazo walicheza mechi 17 kabla ya Corona kuingia, mishahara ya watumishi.
Kidao ameongeza kuwa kuna baadhi ya nchi zilitangaza kuwa zitagawa kiasi hicho cha pesa kwa timu shiriki lakini wameulizia inapita wiki mbili sasa lakini hazijalipwa kwakua haiwezekani kutokana gharama za uendeshaji kuwa kubwa.
"Hizi pesa zinatolewa kwa uwazi na FIFA lazima wazifuatilie matumizi yake. Kabla ya pesa kuingia FIFA wanatumia barua kwanza ya jinsi ya kuzitumia na kama ukienda kinyume unafungiwa unakuwa hupati kama ilivyotokea katika uongozi uliopita.
"TFF chini ya Rais Wallace Karia imekuwa wazi kama ilivyo jipambanua katika uchanguzi Mkuu na hata FIFA wenyewe wamekuwa wakitupongeza kwa jinsi tunavyo simamia matumizi ya pesa lakini tunashangaa kusikia watu wanakaa vijiweni wanazungumza vitu ambavyo hata hawavijui," alisema Kidao.
