Hatma ya ligi iko mikononi mwa Serikali - Kidao

Katibu Mkuu wa TFF Wilfred Kidao amesema Serikali ndiyo yenye Mamlaka ya mwisho kuruhusu ligi kuendelea nchini, hivyo ni vyema wadau wakaendelea kuwa watulivu

Akizungumza kupitia ukurasa wa TFF mtandao wa Youtube, Kidao amesema kwa upande wao wanasubiri ruhusa ya Serikali

Wadau wa soka nchini walikuwa na shauku kubwa kufahamu ni lini ligi hiyo itarejee baada ya kuikosa kwa takribani miezi miwili kutokana na janga la corona

Aidha Kidao alitumia mazungumzo yake kufafanua masuala mbalimbali pamoja na kutoa maelezo kuhusu mchanganuo wa fedha wanazopata kutoka FIFA